Адкрыццё новай аптэкі № 2/5

15.08.2022
У жніўні 2022 года ў г. Гомелі паблізу ад прыпынку грамадскага транспарту «Камінтэрн» па адрасе вул. Інтэрнацыянальная, д.5 расчыніла дзверы для наведвальнікаў новая аптэка №2/5 Гомельскага прадпрыемства "Фармацыя".
Аптэка №2/5 - гэтае прасторнае, светлае, утульнае і спакойнае месца. Тут прыемна знаходзіцца і жадаецца вяртацца зноў і зноў. Ветлівыя фармацэўтычныя спецыялісты, высокі ўзровень іх прафесіяналізму і індывідуальны падыход да кожнага пацыента стварае сапраўды камфортную атмасферу. Фармацэўтычныя спецыялісты аптэкі пракансультуюць па пытаннях прафілактыкі захворванняў і здаровага ладу жыцця, раскажуць аб правілах прымянення і захоўвання лекавых сродкаў у хатніх умовах, а таксама дапамогуць ажыццявіць выбар адпаведнага сродку.
На зручных паліцах і стэлажах прадстаўлены багаты выбар касметычных сродкаў, медыцынскіх вырабаў, тэхнікі для кантролю паказчыкаў здароўя, біялагічна актыўных дабавак да ежы, тавараў для дзяцей і дарослых, якія можна разгледзець зблізку, пакратаць рукамі і ўважліва вывучыць. Таксама значна павялічаны асартымент лячэбнай касметыкі розных серый і вытворцаў.
На web-сайце прадпрыемства можна карыстацца паслугай «Online-браніраванне лекавых сродкаў і тавараў аптэчнага асартыменту» і забраць броню ў аптэцы ў любы зручны час.
Аптэка ажыццяўляе водпуск лекавых сродкаў па дагаворах добраахвотнага медыцынскага страхавання, электронных рэцэптах урача. Дзейнічаюць спецыяльныя прапановы на медыцынскія вырабы, растэрміноўка па картах пакупак, плацяжы ў сістэме "Аплаці".